Er makar bir uşak okulda koronaviruslan hastalanarsaydı, bütün klass karantinda 14 gün bulunacȇk. Bu günnerdä üürenmäk proţessı onlayn-formatına geçecek. Bunun için haberledi Milli saalıı koorumak komissiyası. Nicä açıkladılar kuvetlär, iki aftayı saymaa başlayacȇklar o gündän açan hasta uşak bitkii sıra okula geldi hem kalan üürenicilärlän kontaktta bulundu. Bulunacȇk mı karantinda üüredici, angısının klassında koronavirus olayı belli edildi, osaydı bulunmayacȇk mı, kararlayacȇklar okulların öndercileri.

Onnar kendi sırasında nasaat ȇpidemiologlardan soorsunnar lääzım. Üürenicilär, angıların soylarında belli edilecek koronavirus, hep ölä iki afta karantinda bulunacȇklar. Kovid-19 virusunnan hastalanan üüredicilär hem üürenicilär enidän okula dönäbileceklär sadece ondan sora nicä onnarın testleri negativ çıkaçȇk. Hep bu kuralları kullanacȇklar üüsek üüretim kurumnarında hem kolledjlarda hem üçilişçelerdä.