Çadırda eni paklamak sistemaların düzülmesi için soruşu kaldırdılar. Çadır hem Taraklı dolayların başları açıkladılar, ani bu sistemaya hep ölä var nasıl Baurçu, Kazayak, Tomay, Aydar, Korten hem Valä-Perjey küüleri katılsınnar. Gagauz Erin İlerlemäk agentstvosunun uzmannarı açıkladılar, ani kısa zamanın içindä başlayacȇklar lääzımnı dokumentleri hazırlamaa.

Proektı birkaç yılın içindä giriştirmää plana koyuldu. Paraların zeedesi Moldovanın büdjetindän verilecek, kalan paralar sa regionun hem yaşayan punktların büdjetlerindän alınacȇk. Küülerin hem kasabaların öndercileri urguladılar, ani bu pek önemli proekt. O lääzımnı, çünkü büük zarar ȇkologiyaya olȇr. Çadırda maasuz paklamak sistemaları var. Ama onnar eskidilär hem artık yok nasıl kullanılsınnar.