Gagauz erin bakannık komiteti uşakların duuması için ödenän posobiyalara 538 bin ley dooruttu. 2020-cii yılın çiçek ayında avtonomiayada 93 uşak duudu. İki ayledä ikizlär dünneyä geldilär. Avtonomiyanın kuvetleri kablettilär kararı bir keret verilän posobiyaları uşakların duuması için ödemää. Paraları genç analar, kendi yaşayan punktlarında, “Poçta Moldovey” çorbacılıın bölümnerindä kabletsinnär var nasıl. Saalıı koorumak bakannıın bilgilerinä görä bu yılın başlamasından beeri gagauz erindä 11 ayledä ikizlär duudular. Avtonomiyada regional programma giriştiriler. Ona görä ilk uşak için aylä 4,5 bin ley kableder, ikincii hem kalan uşakların duumaları için - 6 bin ley. İkizlär için erindeki büdjettän 20 bin ley veriler. Üçlüklär için – 50 bin ley.