Canavar ayın 13-16 Türkiyedӓ en ilkin Bursa kasabasında sora da Konya kasabada Türk dünnesinin 15-ci halklaraararası şiir festivali geçti. Onu 1992-ci yıldan beeri, iki yılda bir keret geçirmää başladılar. Bu yıl da, nicӓ ilk kerӓ 30 yıl geeri, yortu topladı 15 devlettӓn 80 türk dillerindä yazan pettçiyi Bursada, Tayyare Kültür Merkezindӓ. 

Bu Şiir festivalinin kurucusu Türkiye Yazarlar Birliin başı D. Mehmet Doğan. Büük peet forumunu Bursa Büyükşehir Belediyesi hem Konya Selçuklu Belediyesi geçirmää yardım ettilär. TİKA da bu yardıma katıldı.

Bursada peetçilär Süleyman Çelebi hem Osman Gazi Türbelerinӓ baş iiltilӓr.

Canavar ayın  16-da 2022-dӓ Poêziya Yortusu  Konyada “Yeni Nesil” bibliotekasında ilerledi.

Konyada peetçilär Hz. Mevlâna Türbesinӓ iilmeyӓ gittilӓr, şiirlerini hem eserlerini Mevlananın karşısında okudular.

Kasabanın sokaklarında gezmeklär, meraklı erlärnän tanışmaklar musaafirleri mayıl ettilär, onnar memnun kaldılar.

Moldovadan, Türkiyedӓ Poêziya yortusunda, Gagauz Erimizi anılmış yazıcımız hem peetçimiz Mariya Mercanka tanıttı.

Te ne Şiir Festivali için “Haber” hem “Türk Yazarlaar Birlii” gazetaları yzdılar: “… Eşrefoğlu Rumi Şiir Faslı’nın açılışını Ahmet Köseoğlu yaptı. Bu fasılda da,
Mehmet Aycı –Türkiye, Sıtkı Caney – Türkiye, Mehmet Kurtoğlu - Türkiye, Maria Mercanka – Moldova, Iskender Muzbeg - Kosova, Mustafa Muharrem -Türkiye, Atakhan Kozhogulov - Kırgızistan, Leyla Arsal - Türkiye... Kerküklü Şemsettin Küzecinin  şiirlerindӓn sora Gagauzyalı Mariya Mercanka ve Üsküplü Mehmet Arif birer türkü seslendirdi...”

Kendisi M.Mercanka  “Türkiye Yazarlar Birliinnӓn”  baalantılarda yardımcı olana, Filologiya bilgilerindӓ doktora, Güllü Karanfilӓ saygılı şükür eder.