“SEVDA” - folklor ansamblisi kazаyak küüyündän tanıdȇr gagauz kulturasını regionda, Moldovada hem aşırı devletlerdä. Ama türkü çalmasından kaarä bu kolektiv küüyün yaşamasında hem ilerlemesindä dä büük eri kaplȇr. Türkücülär kurdular kendi iniţiativa gruppalarını da başladılar giriştirmää türlü meraklı proektlerıi. Yaklaşık iki yıl geeri, açan Türkiye devletin yardımınnan erindeki parkta deerindän rekonstrukţiya işleri geçirilärdilär, “Sevda” iniţiativa gruppasının çalışmaklarınnan burada peydalandı Genç aylelеrin alleyası hem Sevgililär için sallangaç. Bu yaptıkları üüsek notaladılar diil sadece küülülär. Erindeki iniţiativaların institutun temsilcileri “Sevdayı” birliktä işlemää teklif ettilär. Ansamblinin türkücüleri maasuz kursları Kişinövdа geçtilär.
Bu bilgileri onnar hemen kullanmaa başladılar. Yazıldı eni proekt. Bu sıra uşaklar için. Onu fond, angısını Amerikanın büük elçilii finanslȇr, imzaladı. Butakım Kazayakta “Kreativ kaleydoskopu” klubu peydalanacȇk, neredä uşakları ellän türlü tertipleri yapmaa üüredeceklär. “Sevda” iniţiativa gruppasının başı Pelageya Çoban açıkladı, ani bu kluba gezmää isteyän uşаkların sayısı aaz diil. Üüredicilär da hazır başlamaa işi. Kaldı sadece devlettä hem Gagauz erindä epidemiologiya durumu doorulsun. İlk vakıt klub küü muzeyindä işleyecek, sora bekim erindeki Kultura evinä geçirilecek.
